كبسة دجاج حمراء
المقادير :
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
كاستين رز الوليمه
ملعقة طعام خل
٣ ملاعق طعام زيت
بصل مقطع لجوانح
٣ فصوص ثوم مقطعه شرايح
دجاج بجلده
٢ لومي
٢ ورق غار
٤ حبات هيل
٤ حبات قرنفل
فلفل أسود حب
عود قرفة
ملعقة شاي بهارات الكبسه
ملعقتين كبيره صلصه معجونه
٢ طماطم معصوره
ملعقة طعام ملح
فلفل حار
بقدونس
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
الطريقه :
ننقع كاستين رز بمويه حاره وملعقة خل عشان الرز يكون نثري لمدة ٥ دقايق ونغسله بمويه بارده ونتركه على جنب في قدر نحط الزيت والبصل والثوم ونحمسهم الين مايصير البصل احمر مايل للمحروق نحط قطع الدجاج على جهة الجلد الين مايتحمر نقلبه للجهه الثانيه ونحط عليه البهارات الصحيحه وبهارات الكبسه وصلصه معجونه ونحمسه لمدة ربع ساعه كل ماطولنا بالحمس كل مااعطانا طعم لذيذ وبعدين نخلط حبتين طماطم كبار ونصبه فوق الدجاج ونتركه يتسبك لمدة ٥ دقايق وبعدين نصب عليه مويه مغليه الين مايتغطى الدجاج ونحط ملعقة طعام ملح ونغطيه يستوي لمدة ساعه على نار هاديه واذا كانت النار عاليه نص ساعه وعلى حسب الدجاج لو كبير بيطول بالاستواء ولو حجمه صغير المده تكون اقل ونتأكد من استوائه انو نغرس السكين بالصدر اذا دخل بسهوله معناته استوى ، بعدين نطلع الدجاج بصينيه وندخله الفرن من فوق الين مايتحمر ، نصفي المرق من البهارات ولاننسى نطلع كل العصاره اللي بالبهارات ونحط عليه فلفل حار ونضيف الرز بعد مايغلي المرق واذا احتاج مويه زياده نزيد الين مايبان الرز تقريباً بـ ١ سم ونتركه يستوي على نار هاديه واذا استوى نطفي عليه ونتركه ١٠ دقايق ونقدمه مع بصل محروق ورشة بقدونس جربوه جداً لذيذ
