فطيره على الصاج طريقة الاعداد بسهولة لمذاق رائع⠀⠀⠀⠀⠀⠀⠀⠀⠀⠀⠀
⠀⠀⠀
مقادير فطيره :
كوب دقيق ابيض
كوب دقيق بر( اسمر )
نص ملعقه كبيره ملح
كوب مويه بالتدريج
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
خلطة الزيت :
نص كوب زيت نباتي
ربع كوب زيت سمسم
نص ملعقه صغيره سمن
( وممكن تكتفوا بزبده مخففه بالزيت )
⠀⠀⠀⠀⠀⠀⠀⠀⠀⠀⠀⠀⠀⠀⠀⠀
الطريقه :
بعد مانضيف المكونات الجافه نضيف كوب مويه بالتدريج عشان الدقيق يختلف من نوع لنوع ( ممكن يحتاج مويه اقل وممكن اكثر ) وبعدين نعجنها كويس والعجينه تكون متماسكه وبنفس الوقت لينه وكل ماطولنا بالعجن كل مااعطتنا نتيجه حلوه واذا عندكم عجانه يكون افضل وبعدين نريحها ٢٠ دقيقه ونقسمها لكور صغيره وكوره كبيره وعدد الطبقات زي ماتحبو ممكن ٤ او ٥ او ٦ طبقات انا هنا سويتها ٤ طبقات بعدين نفرد الكور الصغيره وبين كل كوره وكوره ندهنها بالزيت وفوقها رشة دقيق عشان تنفصل الطبقات عن بعضها ونستمر لكل الطبقات ولاننسى نساوي الطبقات فوق بعض والكوره الكبيره نفردها ونحط الطبقات فوقها ونقفل عليها بنفس الطريقه اللي بالفيديو ونريحها ١٠ دقايق ونحمي الصاج وعلى بال مايسخن نفرد العجينه لدائره كبيره ورقيقه نبدأ من النص وبعدين بالاصابع من الاطراف عشان الطبقات تتفرد بنفس التساوي ونمسحها بخلطة الزيت وننقلها للصاج ، الوجه اللي فيه زيت يكون على تحت الين ماتحمر من تحت نرش فوقها زيت ونقلبها للجهه الثانيه وتقدروا تقدموها وهي حاره ومقرمشه او تغطوها بحافظه الين ماتتلين وتترطب وتتقدم مع شاهي حليب او عسل
