سعوديات

 كنافه طريه شهية جدا وطريقة عملها السهلة جدا في دقايق بسيطة

كنافه طريه في دقايق

 كنافه طريه شهية جدا وطريقة عملها السهلة جدا في دقايق بسيطة
⠀⠀⠀⠀⠀⠀⠀
– بديل صحون الكنافه استخدموا المقلاه
– الكميه تقريباً تكفي ٣ صحون صغيره
– الصحون متوفره بمحلات الاواني المنزليه
⠀⠀⠀⠀⠀⠀⠀




مقادير كنافه طريه :

٢٥٠ جرام كنافه مجمده ( ربع كيلو )
١٠٠ جرام زبده سايحه او سمن ( نص كوب )
ملعقتين كبيره سكر ناعم
قشطة طازجه
⠀⠀⠀⠀⠀⠀⠀
للشيره :
بيالة سكر
نص كوب مويه
ملعقه صغيره عصير ليمون
نص ملعقه صغيره موية زهر
⠀⠀⠀⠀⠀⠀⠀
الطريقه :
اول شيء ندخل عجينة الكنافه الفريزر تجمد عشان يسهل معانا تكسيرها باليد او بالفرامه هنا استخدمت عجينة الكنافه ابو ٥٠٠ جرام استخدمت نصها ونضيفلها زبده وسكر ( وسر اضافة السكر تخلي الكنافه متماسكه مع بعض ) بعدين نجيب مقلاه او صحون الكنافه الصغيره ( متوفره بكل محلات الاواني المنزليه ) وندهنها بزبده ونحط فوقها شوية من الكنافه الين مايتغطى الصحن بس لاتكثروا خلو الطبقه رقيقه ونضغط عليها باليد او بالصحن ونضيف عليها القشطه ونغطيها بالكنافه ونضغط عليها باليد ضغط خفيف بعدين على نار هاديه نقعد نلف الصحن لمدة دقيقتين او الين مااطرافها تحمر نقلبها للجهه الثانيه بنفس المده ونسقيها بشيره حاره والكنافه حاره اذا تحبوا تكون طريه ونزينها بالفستق وحلاتها ناكلها وهي حاره جربوها ومتأكده راح تعجبكم
⠀⠀⠀⠀⠀⠀⠀
تقدروا تسووا كميه وتفرزنوها
ووقت ماتحبوا طلعوها قبلها بوقت عشان يفك الثلج واطبخوها


Loading...


اظهر المزيد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *