هناك نصايح مهمه ممكن تساعدك كثير باختيارك لارواجك الي تعتمدينها دائماً .
-على اي اساس تختارين لون ارواجك :
تطلع صيحات مكياج كثيره تخليك تحتارين بالدرجات وبرضو تشترين تدرجات كثيره
لكن الاضمن انك دائما تختارين درجه اغمق من لون شفايفك حتى لو بشي بسيط ,
وابعدي قدر الامكان من الالوان الي ممكن تطلع اسنانك باللون الاصفر .
– الارواج القديمة ورميها :
متعودين اول مانشوف لون روج راحت موضته وصيحته نرمية عشان نلقى مكان للون جديد , لكن هذا اللون القديم
ممكن يساعدك من خلال دمجه بلون ثاني انك تطلعين بلون جديد حلو ومناسبك , وطريقه خلط ودمج الالوان
تعتبر من اساسيات استخدام المكياج الي ماراح تقدم ابداً .
-متى تحددين شفايفك بالليب لاينر ؟ :
من المعروف ان التحديد يكون قبل مانحط الروج اياً كان لونه ,لكن وش المانع انك تجربين تحطينه
بعد الروج لكن بلون قريب جداً او مطابق للون الروج واستخدمية بتكبير الشفايف .
كيف تجربين الروج بالمحلات :
متعودين اننا نجرب لون الروج على ظهر اليد , لكن الطريقه المثاليه انك تجربينه بباطن اصابعك,
لانها تعتبر اقرب منطقه من ناحية لون شفايفك وملمسها .
اختيار لون الروج على حسب سنك :
كل ماكبرت في العمر يفضل انك تميلين للارواج الكريمية لانه راح يهتم بتجديد ملمس شفاهك ويخليك متماشيه مع الموضه ,
واعتمدي الالوان الغامقه بالتركيبة اللامعة اوالجافة في سن مبكرة لأن بشرة شفايفك في هذه المرحلة تكون يافعة، نضرة بعيدة عن التجاعيد والخطوط الرفيعة التي تحيط بالفم.